Vawiin Ni 31.5.2024 chhunlama Hortoki a ruang chhar chu Hlimen/Melthum lama ruang la hmuh loh chhungten an nau ruang a ni lo tih an confirm hnuah Aibawk lama ruang zawn lai Pi Vanlalruali Kum 34 w/o Mathew Lalchhanhima pianpui unaunu leh unaupa ten ruang dahna Kawnpui PHC ah ruang chhar hi enfiahin an unaunu ngei a ni tih an nemnghet.
Tun (7:30pm) hian SDO (Civil) Kawnpui leh Kawnpui PS lam ten lehkha tihfel ngaite tifelin an khua Aibawk panpui zui nghal a ni ang.
Aibawk atanga YMA hruaitute leh an chhungte lam kal hi an khaw kawng a la tlang mai loh avangin Central YMA motora va hruai a ni a. Tin, a ruang phurh nan hian Ramhlun North Branch YMA ten an pick up (Morgue Van) an thawh chhuahpui hmangin Pi Vanlalruali ruang hi phurh a ni.
