Ni 28.5.2024 thawhleh ni zing dar 9:30 vela Pi Lalrimawii kum 63 w/o Lalthangfala ,Maubawk Lungsei (Samlukhai bul) an huan thlam leimin in a hnawl vanga boral ruang lak chu a hau tak hle a, nimin atanga ruang leh damlote lakchhuah hnathawh niin vawiin tlai khan an in thlenpui an ni.
Aizawl atanga Km 64 a hla Sialsuk atangin Thawhlehni zan thimhlima rawn chhuahpui chu vawiin Nilaini tlai dar 4:00 khan Aizawl rawn thlen pui chauh a ni a, Ruang hi posmortem anih hnuah vui liam a ni.
World bank road hi hmun tam takah leimin hian a hnawh a vangin kawng pui nilo, tlang kawngah te kawng sat chawp ten tlaivar zakin Chhimphei group leh Hmuifang group huam chhunga Branch YMA te chuan mithi ruang leh damlo hliam tuar hi zan khuain ruah sur karah te zawnin an in pe chhawng a ni.
Maubawk Branch YMA chuan, “Ruang lak anih nana Branch YMA puitu te zawng chungah te, Bialtu MLA Pu VL Zaithanzama, Pi Zodingpuii bialtu Corporator leh sum leh pai leh tha thawhpuitu te zawng zawng chungah lawnthu kan sawi a ni,” an ti.
