Excise & Narcotics Department leh CADS (Central YMA) thawk dun chuan vawiin 30th July, 2025 (Nilaini) chhun dar 12:30 khan Ruantlang, Champhai District-ah Heroin Gram 350 & Mgs 600 (Hawng 29) leh a neitu nia puh mi pahnih – Lalneihkimi w/o Lalroliana, Ruantlang, Champhai District leh Vanlaldini (25) d/o Valalhmuna, Zimte, Myanmar, tuna Uilui, Melbuk, Champhai District-a khawsa nia inchhalte chu an man.
Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. He case-ah hian Court-in thiamloh a chantir chuan Kum 10 atanga kum 20 chhung tanina tantir leh Pawisa Rs. 1,00,000 atanga Rs 2,00,000 chawi bawk tura hrem theih an ni ang.
