Vawiin ni 1.08.2023(Thawhlehni) chawhma dar 11:00 khan Aizawl District Level Task Force on Ruihhlo Do buatsaihin Vanapa Hall ah ‘Ruihhlo Do Ni’ hman a ni a. He hun hi Er. Lalrinawma, Minister, SW&TA in khuallian niin a hman pui.
He hun hi Pu Isaac C. Lalrempuia, Addl. DC in a kaihhruai a, Rev K. Lalpiangthara’n hunserh a hmang. Prof. Malsawmliana, Member Secretary, Aizawl District Level Task Force on Ruihhlo Do in an hmalak a tarlang bawk.
Dr Lalhriatzuali Ralte, Chairman kal chhuakin thu a sawi a, sawrkarin ruihhlo do kawnga a hmalakna te leh ruihhlo do a tul zia te a sawi bawk.
Pu R. Lalngheta, President, Central YMA pawhin thu sawiin, Ruihhlo do kawnga Mizo mipuite kan tanrual a tul tak zet a, a bikin hmeichhia/ MHIP te pawhin tangkaina an nei a, ruihhlo do kawngah inla ralbang mai lo turin a chah a. Chhungkaw inrelbawlna tha a pawimawh thu a sawi bawk.
Pi Vanlalhruaii, Master Trainer in ruihhlo chungchang thupui a sawi.
Khuallian, Er. Lalrinawma, minister chuan thusawiin “ Kan rama ruihhlo hluar lutuk ti reh tur hian theihna kan nei a, theihtawp i chhuah ang u. Kan tanrual chuan kan hneh thei a, kori a tu ngei ang. Ruihhlo do hi midang tana do kan ni lova keimahni tana do a ni. Kan harsatna te hi chonaah i ngai ang u.
Pu Lalremsiama, Vice President, MJA in lawmthu sawina hun a hmang.
He hunah hian Aizawl District huamchhunga YMA Branch aiawh mi 2 theuh, MHIP leh Local/ Village Council aiawh 1 theuh an kal a. Central YMA leh MHIP Gen. Hqrs hruaitute bakah Sawrkar Department thenkhat aiawhte an tel bawk.
