MP(LS) C Lalrosanga chuan hmarchhak bialah ruihhlo vanga rilru lama harsatna nei tam tak an awm a, heng mite hian mithiamte leh enkawlna ṭha an mamawh hle a ni tiin nimin November ni 3 khan New Delhi a Parliamentary Standing Committee on Health and Family Welfare ṭhutkhawmnaah a sawi.
Rilru lama natna leh harsatna hrang hrang neite chungchang bik sawihonaah Lok Sabha Member chuan heng harsatna tawkte hian mahni inchhung leh anmahni enkawlna hmun bika mithiam leh inpete enkawlna ṭha an mamawh em em a ni tiin Committee chu a hrilh a ni.
Parliamentary Committee ṭhutkhawmnaah hian Tezpur, Assam-a Lokpriya Gopinath Bordoloi Institute of Mental Health, Central Institute of Psychiatry, Ranchi leh National Institute of Mental Health and Neurosciences, Bangalore-a mithiamten rampuma rilru lama harsatna chi hrang hrang neite enkawlna kawnga harsatna leh mamawh an neihte an sawi bawk a ni.
