Excise & Narcotics Department, CADS (Central YMA) leh Assam Rifles thawkho chuan 11th August, 2025 (Thawhtanni) zing dar 8:45 khan Thuampui vengah Heroin gram 35 (Hawng 3) leh a neitu nia puh mi pakhat – Vanlalrinawma (22) s/o Lenmanga (L), Zarkawt-a khawsa nia inchhal chu an man.
He thubuai chhuina kal zelah 11th August, 2025 chhun dar 12:45 khan Bawngkawn Venglai-ah heroin gram 253 (Hawng 22) leh a neitu mi pahnih – Agnes Lalrempuii (23) d/o Zoliansanga, Muthi, tuna Bawngkawn Venglaia khawsa mek nia inchhal leh Lalngaihpuii (31) d/o Zoramliana, Diltlang, Champhai District, tuna Durtlang Venglai-a khawsa mek nia inchhalte an man. Heng heroin neitute inpuanna atang hian hemi ni vek, chawhnu dar 2:45 khan Zuangtui-ah Heroin gram 135 (Hawng 12) man belh a ni bawk.
Heroin man zawng zawng hi gram 323 (Hawng 37) a ni. Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. He case-ah hian Court-in thiamloh a chantir chuan kum 10 atanga kum 20 chhung tanina tantir leh Pawisa Rs. 1,00,000 atanga Rs. 2,00,000 chawi bawk tura hrem theih an ni ang.
