Kumin chhunga crystal meth man hnem ber record chu zankhat chhungin khum lehnghal a ni.
Nizan (4.10.23) dar 7 vel khan Aizawl District Special Branch (DSB) team te chuan Zemabawk East ah ah lirthei pakhat Tata Intra atangin Crystal Meth kg 11.6 a rit chu Ropianga (37) s/o Lalthanga, Khawmawi, Myanmar nia inchhal kut atangin an man.
Tarlan tawh angin October 3, 2023 khan Lengpui Airport-ah Methamphetamine (Crystal Meth) tam tham tak man a ni a, Meth hi Kg 10.4 niin, hei hi Mizorama kummin chhunga man tam ber niin amaherawhchu nizan Oct. ni 4, 2023 zana kg 11.6 hian record hi a khum lehnghal a ni.
Degital News Daily (DND) hian heng ruihhlo mante hi a market rate erawh kan tarlang ngai lo a, hei hi mi tute emaw tan zawrhve ti chakawm leh duhve na rilru a siam theih palh kan hlauh vang pakhat a ni e.
