Mizoram Police chuan, “Ruihhlo dona kawngah tha thlah lovin kan bei zel a, a hnuaia tarlan ang hian Mizoram Police chuan ruihhlo tunhnaiah a man,” tiin thuchhuah an siam.
1). CID Crime hnuaia Special Narcotics PS te chuan an thu dawn bawhzuiin nimin Dt. 22.5.2025 khan Selesihah operation an nei a, Codeine bur 597 (80.495 Kg) chu C.Zosangluri (34) d/o Zovalliana, College Veng, Aizawl hnen aṭangin an man. He an mi man inpuanna bawhzui hian Ramthar Venga kudam pakhat chu Health Department atanga Drugs Inspector hovin enfiah niin hetah hian Codeine bur 1292 (Kg 179.405) man belh leh a ni. Codeine hi a vaiin bur 1889 man niin, tualchhung rate angin ₹ 9,44,550/- man hu nia chhut a ni.
Hemi chungchangah hian Special Narcotics PS Case no. 18/25 Dt. 22.05.25 u/s 22(c) NDPS Act ziah luh a, a tul anga bawhzui chhunzawm zel a ni.
2) Dt. 20.05.2025, zingkarah khan Lunglei District Police chuan Rohluzuala (37) s/o Lalthanzauva, Theiriat, Lunglei hnen atangin Heroin gram 193.02 chu Dawn khaw dai, Lunglei District ah an man. Heroin hi tualchhung rate-ah Rs. 5,79,060/- man hu nia chhut a ni a, Lunglei PS C/No.79/2025 Dt.20.05.2025 u/s 21(b) ND&PS Act ziah luh niin dan anga buaipui chhunzawm a ni.
3). Dt. 19.05.2025, zan khan Khawzawl District Police, Tuisenphai check gate-a duty te chuan Methamphetamine Kg. 4.742 (mum 40400), Rs.61,64,600/- man hu chu Taxi, MZ-04-9044 Vanlaldampuia (26), s/o Vanlalhluta, Tuipui, Champhai District khalh atangin an man. Khawzawl PS Case No. 17/25 Dt. 19.5.2025 u/s 22 (c) ND&PS Act ziah luh a, chhui chhunzawm zel a ni.
4). Dt. 18.05.2025 zingkarah khan CID (SB) team leh Special Narcotic Police Station te chuan Seling, Aizawl District-ah Joint Operation an nei a, Methamphetamine Kg 39.151 Kgs (packet 40), cheng nuai 508.96 man hu chu Pu Lalkrossmawia (41), s/o Roenga, Letpanchaung, Myanmar hnen atangin, 407 truck, MZ 01/M-1935, Ramropuia (25), s/o Runliansanga, Tahan, Myanmar khalh aṭangin an man. Ruihhlo hi Truck hnuaia thira siam compartment chhunga lo thuhruk chu man a ni. Special Narcotic PS C/No.17/25 Dt.18.05.2025 (i) U/s–22(c)/25/29(1)ND& PS Act, 1985 r/w rule 3 of Passport (Entry into India) rules, 1950 hnuaiah ziah luh niin chhui chhunzawm zel a ni.
5). Dt. 17.05.2025 zingah khan Saitual Police Special Team te chuan lirthei pahnih, MZ 01 B-7815 Hyundai10 (Silver rawng), Joseph Vanlalhlana s/o Zabiaka of Zokhawthar khalh leh MZ 01 H – 2354 (Silver rawng), Lalramthara (20) s/o K. Zalianthanga, Zokhawthar khalh te chu an tiding a. MZ 01 D-7815 – ah hian Heroin Kg 1.142 (Hawng 100), Rs 50,00,000/- man hu, a kawngka frame chhunga thuhruk chu man a ni. Chhui chhunzawm nghal niin he thila inhnamhnawih midang pali,
1) Bittu Chhetry (20) s/o Vijay Chhetry, Bualpui Hmar veng, Kolasib District,
2) Naruj Jaman Laskar (18) s/o Ainul Haque Laskar, Lailapur, Assam,
3) Lalpekmuani (28) w/o Laldanena, Rangvamual Farm veng leh
4) Rodinliani (33) w/o Vanlaltluanga, Rangvamual Farm veng te chu Tuikhurhlu leh Seling-ah Seling Police Check Post te puihnain man belh leh an ni. Saitual PS Case No 36/2025 Dt. 17.05.2025 U/S 21(c)/25 ND&PS Act ziah luh niin chhui chhunzawm mek zel a ni.
