Ni 04.03.2024 atanga 06.03.2024 inkar khan Champhai Police leh Assam Rifles te chuan hmun hrang hrangah joint operation an nei a, hei vang hian ruihhlo tawlhruk tam tak chu hlawhtling taka hmuchhuakin vawi eng emaw zat man a ni.
Ni 04.03.2024 khan heroin gram 65 rit sahbawn case panga (5) man Rs. 1.95 lakh chu Tahan, Myanmar-a Lalpekthanga kutah man niin, Zokhawthar PS-ah thubuai ziahluh a ni.
Ni 05.03.2024 khan heroin 1.376 Kgs rit sahbawn case za (100) man Rs. 41.28 lakh chu Zokhawthar Lalchhuma kutah man niin, Zokhawthar PS-ah thubuai ziahluh a ni.
Ni 05.03.2024 khan methamphetamine bundle panga (5) rit Kgs 1.74 man Rs. 22.62 lakh chu Hnahlan-a Champhai khuaa TK Khupa kutah man niin, Champhai PS-ah thubuai ziahluh a ni.
Ni 06.03.2024 khan heroin sahbawn case 396, Kgs 5.394 rit man Rs. 161.82 lakh chu Melbuk khawpui pawna Vengthar, Champhaia V. Lalramchuanmawia (27) s/o V. Lalromawia of Vengthar, Champhai kutah man niin, Zokhawthar PS-ah thubuai ziahluh a ni.
