Ruihhlo thahnem tak man a ni leh ta : Ruihhlo zuarte Dan anga hrem an ni

Excise & Narcotics Department leh Central Anti-Drugs Squad (CADS), Central YMA te thawk dun chuan Heroin (No.4) thahnem tak an man.
10th September, 2022 (Inrinni) tlai dar 3:10 khan Tlangsam khaw dai, Champhai District-ah Excise & Narcotics Department chuan Heroin gram 54 (Hawng 4) leh a neitu nia puh Malsawmsanga (31) s/o Rosangliana, Tlangsam khuaa khawsa nia inchhal an man.
12th September, 2022 (Thawhtanni) chawhma dar 10:30 khan Excise & Narcotics Department chuan Saron Veng, Aizawl-ah Heroin gram 128 (Hawng 10) leh a neitu nia puh mi pahnih – Lalramropuia (33) s/o Lallawmthanga, Tuingo, Myanmar, (tuna Tuithiang Veng, Aizawl-a khawsa mek) nia inchhal leh Lallianmama (32) s/o Dothanga, Khawmawi, Myanmar (tuna Champhai Vengthlang-a khawsa mek) nia inchhalte an man. Heroin vanga man, Lalramropuia leh Lallianmama te hi Myanmar ram buai vanga raltlan anga Mizoram-a rawn khawsa mek an ni.
12th September, 2022 (Thawhtanni) zan dar 7:25 khan Excise & Narcotics Department leh Central Anti-Drugs Squad (CADS) thawk dun chuan Bethlehem Vengthlang (Chite Road) – ah Heroin gram 303 (Hawng 24) leh a neitu nia puh mi pathum – Lalvangi (52) d/o Bualduna, Bethlehem Veng; Vanlalsiami (45) d/o Lalrintluanga, Bethlehem Vengthlang leh Lalnunsiami (32) d/o Biakcheuva, Zokhawthar, Champhai District-a khawsa nia inchhalte chu an man bawk.
Ruihhlo vanga mante hi the Narcotics Drugs & Psychotropic Substances Act, 1985 (NDPS Act 1985) tlawhchhanin thubuai siamsak an ni.
Central YMA hnuaia ruihhlo do tura din, Central Anti-Drugs Squad (CADS) Batch 1-na hi September ni 9, 2022 (zirtawpni) khan Pathian hnenah hlanna hun hman niin ruihhlo dona kawngah OB 4 leh member 54 te mahni inpein ram leh hnam humhalhna leh humhimna atan thahnem ngai takin an thawk a ni. Ruihhlo dona kawnga sawrkar hnathawktute nena inpawh tlang taka thawhhona tha tak an neih avangin Excise & Narcotics Department chuan thlamuanthlak a tiin a lawm hle a ni. Chutih rualin ruihhlo leh ruihhlova inhnamhnawihte dap chhuahna kawnga rilru seng theuh tur leh chutiang kawnga thuhriat an neih te thawktute hnena hlanchhawng thin turin mizo mipuite chu ngen an ni.
Hetih lai hian Thawhtanni zanlai vel khan CentralYMA Central Anti Drugs Squad-te hnen atanga thu dawn bawhzuiin, BawngkawnPS staff te chuan Myanmar lam mi, Lalhmingliana (29) s/o Lalmuanthanga of Kawlkulh, Kalemyo Dist, Myanmar (Zokhawthar-a awm mek) chu Zuangtui, Aizawl in pakhata a awm laiin a kut atangin heroin ni ngeia hriat, gram 205 (sahbawn bawm 15), international market-a cheng nuai 102.5 man chu an man. Bawngkawn PS case u/s 21(b) ND&PS Act r/w 14 Foreigners Act ziahluh a niin chhui chian mek a ni.
Ni12.9.2022 zing (2:00AM) khan Chalbawiha Junction Khankawn Police Check Gate-a duty Champhai Police te chuan Aizawl lam atanga Zokhawthar, Champhai pan mek lirthei pakhat (Sumo), Rodingliana(50) s/o Vanlalauva, Bawngkawn, Aizawl khalh atangin Pseudoephedrine ni ngeia hriat Kgs 28.8 (mum 1,80,000), tualchhung market-a nuai ?126 leh international market-a Rs. 28.8 crore man hu chu an man a. He thil hi chhui chian mek a ni.