Sailulak Khua a Sial vulhna hmun chu Chinghnia in a bei

Serchhip Distrct chhunga Sailulak Khua a Sial vulhna hmun chu tunhnai khan Chinghnia (Dhole) nia hriatin bei lehin, sa seh hnu Se No ruang thenkhatte hmuh thar leh anih bakah Se la leh Se no thenkhat an awmna chin hriatloh a bo an la awm mek bawk.
He thil thleng avang hian Sailulak Sial Vulh Association (SSVA) memberte chu vawiin khan an khaw ram (Sial vulhna ramah) Sial bo te zawn hna leh thil awmdan te zirchiangin an thawkchhuak a,an sial vulh te a him theihna turin theihtawp an chhuah dawn thu leh a tul anih chuan an Sial te Chinghnia laka veng tur hian tlaivar a in duty chhawk pawh an tum thu SSVA hruaitute an sawi bawk.
Kum kalta 2021 (Hri avanga rampum in Lock-down lai khan) Sailulak khuaa Sial vulh hi Chinghne rual ten lo bei tawhin, Sial thahnemtak an lo seh/eisak tawh a ni.
Chinghnia hi Schedule 1 Animal niin,an chenna hmun velah rama dang eitur a van tawh vanga mihringte Ranvulh lamah an tuan ta mai nia ngaih a ni.