izawl the 16th March, 2022 : Vawiin March khan Lok Sabha-ah Pu C. Lalrosanga, MP zawhna pahnih ziaka chhan a ni a. Ziaka zawhna chhangin Railways Minister Pu Ashwini Vaishnaw chuan Sairang aṭanga Lawngtlai district a awm Hmangbuchhuah thlenga relkawng siam rawtna enfiahin Reconnaisance Engineering-cum-Traffic Survey lak a ni a. Survey aṭanga a lan danin Kilometre 223 a thui ni tura chhut he Broad Gauge relkawng siam nan hian cheng vaibelchhe 15, 007 zet a ngai dawna chhut a ni a. A senso tur nena chhutin a hlawk loh dawn em avangin hmalak zui theih a ni ta lo a ti. A hlawk lohna tur Rate of Return (RoR) hi minus (-) zaa 10.45 a ni tih Railways Minister chuan a sawi bawk.
Zawhna dang chhanna, Communications Ministry hnuaiah Mizorama dak in Post Office 64 ah Core Banking Facility dah tum a ni tih Minister of State for Communications Pu Devusinh Chauhan chuan Pu C. Lalrosanga chu ziakin House ah a hrilh a. Rampuma post office zawng zawng 1, 58, 526 zinga 1,52, 514 ah core banking system hi hman a ni tawhin, hei hian hmarchhak bial kilkhawr zawk leh thingtlanga net banking, mobile banking leh ATM leh post office accounts khawih a tiawlsam dawn a ni a ti.
