BJP Mizoram State President Dr K Beichhua MLA, K Hrahmo MLA te bakah BJP Mizoram hruaitu te leh NHIDCL hotute chuan Vawiin 5th July 2025 Saturday hian Mizoram chakkhai lakluhna Mizoram Lifeline kawngpawimawh ber Sairang to Khamrang NH 06 kawng chhia, NHIDCL enkawl KM 77 leh Mizoram Sorkar enkawl KM 40 chu ahmun ah kalin enfiahna hun an hnang.
Dr K Beichhua MLA BJP Mizoram State President chuan Mizoram chaklakna kawng pawimawh tak mai kan Lifeline kawngpui NH 06 chu enfiahna an neihna ah, NHIDCL in an enkawl bik kawng te chu tundin hmun ah chuan a zia awm deuh a ngaihtheih ani a, MPWD enkawllai bik KM 40 erawh atha lo hle thung a, chutih rualin Truck Owner Association leh pawl hrang hrang ten nasa taka hma anla chung pawhin kawng dinhmun hi ala chhe hle a, Ruah a sur anih chuan Motor eng chi mah kal ngaihna awm lo khawpin a chhia ani a ti.
Dr K Beichhua chuan, he kawngpui hi kumin March thla khan he tih laia BJP Mizoram State President Pu Vanlalhmuaka hovin kan lo tlawh tawh a, kan kal hun khan khua ala tha a, nimahsela kawng siam nana sum awm kha a tlem tham em avangin, kawng khuar zual lai hnawh nan Boulder phah chauh anih vangin kan duhthu a sam lo hle a, thal lai ah pawh Motor lian kal hleithei lo dinhmunah a awm a, fur ah phei chuan nasa taka lo inpuahchah lawk angaih thu alo sawi tawh a ni. He kawng hi hun rei tak Mizoram Sorkar in alo enkawl KM 40 chu Mizoram Sorkar leh NHIDCL te chuan Joint Survey hi 7th July Monday ah neih an tum a, chumi hnu ah NHIDCL te kut a hlan tum ani a, he kawng pawimawh tak hi kan Mizoram chakkhai lakluhna anih avangin Dr K Beichhua chuan NHIDCL te hnenah theihtawp chhuaha hma lo la tur leh harsatna annei anih chuan a tul anga BJP Mizoram Headquarters te hnena lo thlen tur in a chah a, chumi piah lamah vawiin 5th July 2025 (Saturday) tlai lamah kawngpui chhiat zualna lai leh Motor kal hleitheih lohna ah te khawl dah nghal turin thurawn a pe a, NHIDCL hotu te pawhin Dr K Beichhua rawtna anga an lo tih nghal tur thu an hrilh avangin a lawmawm hle a ni a ti.
Dr K Beichhua chuan vawiin ah hian Sorkar lai tihmualpho emaw intihlar tum vanga he kawng hi tlawh leh enfiah kan nilova, kan kawngpawimawh ber chhiatdan leh a siam thatna kawnga hmalak theihna kan neih beisei vang leh Mizoram mipui harsatna sutkian kan tum vang chauh ani tih kan sawi duh a, kawngpui tha tak kan neih theih nan NHIDCL hotute hnenah pawh nitin an Work Progress hriattir tur a a hrilh angin, NHIDCL hotute pawhin nitin an hnathawh dan an hrilh thin tur thu an sawi bawk.
