Dt.11th July 2022 : Saitual District Superintendent of Police thar Pu J. Lalmuankima, MPS chuan vawiin khan a Pisaah Saitual Town chhunga VC hrang hrangte leh Saitual District MJA member te kawmna hun a hmang.
He hunah hian inhmelhriatna hunte hman niin SP chuan Saitual District ralmuanna atana theihtawp chhuah a tum thu sawiin, chumi atan chuan khawtlang hruaitu leh mipuite nena thawh hona tha chu an mamawh ber a ni tih a sawi. SP chuan dan lekkawhtu tur ni loin a lo lekkawh hi dan bawhchhiatna a nih avangin kan hmalakna turah pawh fimkhur taka chet a ngai a, Police te kan indaih loh avangin awmze neia hma kan lak zel theih nan khawtlang mipuiten nasa taka min tanpui a ngai dawn a ni, a ti. Inkawmnaah hian Financial crime, Cyber crime, POCSO act, MV act leh thil dangte zau takin sawi ho a ni.
Pu J.Lalmuankima hi Saitual District SP hmasa ber dawttu niin June ni 22, 2022 khan Pu PC Lalduhthlanga hnen atangin charge a la a ni.
