Dated Sangau 16th June 2023
Sangau leh a chhehvel mipuiten chawlhkar thum dawn lai current an neih tawh loh avangin mipuiten harsatna nasa tak an tawk chho mek.
Sangau 33 Kv Sub Station hian Hnahthial atangin Power a lalut a, Hnahthial atanga Sangau lam pek chhuahna Transformer lian chu a chhiat avangin a thara thlak a ni a, thlak zawh vek anih hnu pawhin Transformer hi P&E Deptt. thawktute chuan an la peihfel thei lo ni a sawiin Sangau leh a chhehvel mipuite chuan chawlhkar 3 dawn lai Power supply an nei mumal tawh lova, Sangau leh a chhehvel a Supply Deptt. hnuaia Retailer te chuan ration quota buhfai khulhna atan pawh MPOS Machine (Current a charge ngai) an hman vek tawh avangin mipuiten Buhfai khulh chhuahna kawngah te pawh harsatna tawk chho mekin Damlo leh natna benvawn nei mekte Electrict Power Supply hmanga enkawlna dawn ngai te pawhin harsatna namen lo tawk mekin Electronics lam leh Electrict kaihhnawiha eizawnna kalpuite pawhin harsatna an tawk nasa hle tawh a ni. Tui lama Sangau mipuite chawmtu ber Cheului tui lakna Pump House atanga Tui pump na ber Electrict hmanga tui pump na ah pawh harsatna lian tak tawkin mipui ten an tuar nasa hle tawh a ni.
Hnahthial atanga eng pek chhuahna Transformer lian chhia hi kar 3 dawn ral hnu pawhin peih fel theih ala ni lo niin P&E Deptt. Staff te chuan an sawi a, Hnahthial atanga Power pekchhuahna la awm chhun pakhat chauh hmanga inenchhawk tura ruahmanna kalpui anih mek laiin Sangau leh a chhehvel khua te chuan zan rei hnu zanlai dar 12 leh zinglam Dar 6 inkar ah te Power Supply hi pek ve thin an ni a, hei pawh hi a chang chauh a pek an ni.
Hetiang anih avang hian Sangau leh a chhehvel mipuite chuan harsatna nasa tak an tawk chho mek a, Sorkar hotute leh Concern Department ten tun aia chak zawka hmalaksaka current in enchhawk chungchangah pawh mipui mamawh hun pangaia Power Supply pek ve ṭhin an mamawh tak zet niin Sangau a kan Correspondent FC Vanlalzawna (Accredited Journalist) chuan a sawi.
