Central YMA chuan thuchhuah siamin, “Central YMA hnuaia Central Anti-Drug Squad (CADS) duty ten ramdang Sava (Lears Macaw) July ni 1, 2023 (Inrinni) a an man Environment, Forest & Climate Change Department kuta him taka an hlan chu Aizawl Sahuanah dah luh a ni a. Sahuana bawma dah luhte hi him taka awm tura ngaih a nih laiin, July ni 2, 2023 (Pathianni) zinga a lo bo ta daih mai chu Central YMA chuan a hrethiam lo hle a ni.
“He Sava bo hi hmuh chhuah a nih ngei theih nan leh a mawhphurtute zawngchhuak a, hrem an nih ngei theih nana hma la turin Environment, Forest & Climate Change Department, Mizoram hotute Central YMA chuan a ngen a ni,” tiin an tarlang.
https://www.dndmz.com/sahuana-dah-tawh-ramsa-a-bo-niin-ringhlel/
