Vawin ni 19.04 2022 Thawhlehni dar 10 khan Aizawl Press Club-ah Save Tlawng lui project flag off programme hman a ni a; he hun hi Ngurthanzaua Sailo, management chairman in a kaihruai a, Upa B Hmingthanruala, Jubilee Presbyterian Kohhran, Mission Vengthlang chuan hunserh hmangin Pathian hnenah a hlan a, Pu Lalrozama IAS, Secretary Sports and Youth Services chu khuallian niin a flag off a, R Lallawmsanga, management secretary in report pein project a sawifiah a. He project ah hian Romalsawma(Roma) chuan tlawng hnar Zobawk ațanga țanin Bairabi ah tawpin a zawh chhuak dawn a ni. He project hi PHED Aizawl Watsan Division, Aizawl Municipal Council, Tourism Department leh Zote Bakery ten an sponsor a. He project hi adventure club pathum East India Campers Adventure Club, Zotrek Adventure Club leh Mission Vengthlang Adventure club te nen țangruala buatsaih a ni, heng bakah hian a bulțanna Zobawk lamah hian Lunglei Adventure Club ten an lo țawiawm dawn bawk a ni. Flag off programme hman zawh a nih hni hian Lunglei pan nghal a ni a, he project hi ni 10 -15 chhunga zo an tura inbuatsaihna a ni.
Save Tlawng Lui Project Objective tlangpui
1. Tlawng lui, kan tui tlan ber humhalh a tul leh pawimawhzia inzirtir
2. Tlawng lui Plastic waste in a tih bawlhhlawh zia leh plastic waste management ngaihpawimawh a tul zia khua leh hmun remchang apianga awareness neih
3. PHED atanga water purity testing kit hmangin khawi laiah nge Tlawng tui hi a bawlhhlawh zual tih ena, chumi hmun khua leh lui pawh tute hnena awareness neih
4. Tourism spot atana hmun tha leh remchang zawnchhuah
5. Thalaite rilru Adventure Sport lama cho chhuaha, ruihtheih thil leh zuk leh hmuama insum pawimawhzia lantir
Heng bakah hian Pu Roma hian plastic bottle chhar khawm hmang ten lawng siamin survival skill tamtak entir tum a ni bawk.
