Sawrkar hmalakna leh mamawh thu thlen hriaa UNICEF in ICMR kaltlanga RT PCR khawl a rawn pek chu District Hospital Champhaia hman turin nimin zing khan Law Minister T.J. Lalnun-tluanga chuan District Hospital hotute kutah a hlan.

RT PCR inhlanna puala inkhawm District Hospital Cham-phaia buatsaihah khuallian T.J. Lalnuntluanga chuan Dis-trict Hospital Champhaia RT PCR khawl dah tur thlen fela inhlan a ni ta chu District tana ni chhinchhiah tlak leh pawi-mawh tak a ni tiin, RT PCR khawl Champhaia bun a nih theihna tura Chief Minister leh Health Minister-te hma-laknaah lawmthu a sawi a. Ram pum anga Covid-19 hrileng beihna kawnga NGO, Koh-hran leh khawtlang hruaituten sawrkar an tawiawm thinnaah lawmthu a sawi bawk.
A nihna tur ang taka khawl bunfel turin khawl mai piah lamah tul leh bawhzui turte a awm nual a, mithiamte leh khawtlang hruaitute nena inrawn chunga lungrual taka hmalak tlan zel a ngai a ni, a ti a. Inrawnkhawmna leh sawihona tha tak neia District tana khawl chhawrnahawm leh tangkai tak tur bun a nih ngei a beisei thu sawiin RT PCR khawl chu DMS leh CMO Champhaite kutah a hlan nghal a ni.
UNICEF kaltlangin RT PCR hi kumin August ni 1, 2021 khan ICMR chuan Champhai District Hospital-ah RT PCR khawl an dah tur thu District Hospital Champhai a rawn hriattir a ni.
Sept. ni 25, 2021 khan UNICEF kaltlanga dawn tur RT PCR khawl 4 zinga 3 te chuan ZMC an rawn thleng a. A dawng-tu tur inbel sa vek niin, ZMC a mi tur 2 leh Lunglei District Hospital a mi tur 1 te an ni.