Vawiin ni 23.6.2023 hian Aam Aadmi Party, Mizoram-te chuan Hunthar Primary School-ah tuizem an pe a, hlanna hun tawite hmangin Govt. Hunthar Primary School Headmaster, Pi Zampuii’n he hun hi a kaihruai a, Govt. Primary naupangte’n zaipawl nen AAP Hruaitute hi an lo lawm. He hunah hian Andrew Lalremkima chuan “Sawrkar in a zirna in a ngaihsak tha duh lo a nih chuan AAP Mizoram chuan kan ngaihsak zel ang” a ti.
AAP Mizoram State President Andrew Lalremkima’n hlanna a neih zawhah Nu leh Pa leh Zirlai naupangte hmaah thusawina hun neiin, thilpek hi hmingthat duhna emaw intih lar duhna avanga pe kan nilo a, Sikul a naupang ten tui thianghlim leh hrisel zawk an lo ei a, an lo in theih nan a pe kan ni a ti. Anni ang bawkin Mizoram hmun hrang hrang a Zirlai naupangte hian ngaihsak hi an phu hle a, chuvangin Sawrkarna fawng chelhtu ten zirlai naupangte leh zirna an ngaihsaklo chhunzawm zel dawn a nih chuan AAP Mizoram chuan atul angin hma kan zel ang. Ram hmasawnna chu Zirna tha leh zirlaiteah thui tak a innghat a, chuvangin, Zirna chu ngaihpawimawh hmasak a tul a ni a ti. Zirtirtute pawh AAP in sawrkarna a chang a nih chuan Zirna kaihhnawih bak eng hna mah pek an ni lo ang, a ti bawk.
AAP chuan, “Hetianga sikul a kan tih ngam chhan chu Sawrkar Sikul kan tihte hian neitu an neilo a kan hriat avang a ni. AAP Mizoram chuan zirna bakah corruption, Health, kuthnathawktute leh thildangte a ngai pawimawh hle a, hemi lama hma la thei tur hian zir chianna kan nei mek bawk a ni,” tiin thuchhuah a siam.
