ASEP General Headquarters chuan vawiin khan Officer Incharge, Bawngkawn Police Station Aizawl ah Saza leh nungcha dangte venpui tura ngenna lehkha an theh lut.
ASEP General Headquarters, chuan an lehkhaah chuan, “Bawngkawn, Leitan, Durtlang leh Chaltlang ram huam chhungah hian kan hriat theih chinah kan State animal Saza (Red Serow) hi panga/paruk vel chu a awm ngei niin kan hria a. Phak tawk leh theih ang tawkin kan thlithlai reng a, tunah phei chuan an ngam tawhin mihring pawh an hlau lutuk tawh lo va. Bawngkawn Shalom veng lama in bul chuktuah huana thlai leh antam velte pawh ngampa takin an rawn pet ngam tawh a ni.
“Hetih lai hian Brigade veng mawng lam atanga silai nena lut an hmuh zauh zauh thu min hrilh a, chu chuan ngaih a ti tha lo riau mai a. Tunah hian no hruai mek a awm lehnghal bawk nen, an him theih nan Police hi Wildlife Crime Control Breau lamah mawhphurhna sang tak nei in nih angin, venhimna kawngah theihtawp min chhuahpui turin ASEP hmingin kan han ngen tawp mai che u a ni,” tiin an tarrlang bawk.
