SCHOOL EDUCATION MINISTER-IN JAL SHAKTI MINISTER HNENAH SIKULA RUAHTUI KHAWLNA TUR A THLEN

Central sorkar dawra Delhi-a cham mek School Education Minister Pu Lalchhandama Ralte chuan tukin khan Union Minister for Jal Shakti Pu Gajendra Singh Shekhawat chu a chenna inah a hmu a, Mizoram sorkar school zawng zawnga ruahtui khawlna siamna tur School Education department-a Samagra Shiksha-in project a lo thehluh tawh chu bawhzuisak turin a thlen.

School Education Minister chuan Mizoramin fur laiin ruahtui thahnem tak a dawng thin mahse, a dah khawlna tur awm loh avangin kum tluanin tui thianghlim in tlak a awm thei thin lova. Tui thianghlim in tlak school-a a awm that chuan chawchhun atan te, kut silfaina atan te, inthiarna atan te leh school-a nunphung hrisel leh fai neihna atan a tangkai hle dawn a ni a ti. Minister-in Pu Shekhawat-a hnena a thlenah chuan Government Primary school 1297, Government UPS 947, Government High school 290, Government Higher Secondary School 20, a vaiin school 2554 tan ruahtui khawlna senso tur a thlen a ni.

School Education Minister-in a thu thlente hi Jal Shakti Minister chuan lo bawhzui a nih tur thu a lo hrilh a ni. Pu Lalchhandama Ralte-in Union Minister a hmuhnaah hian Pu Lalhmachhuana, SPD Samagra Shiksha-in a tawiawm a ni.