“June ni 24, 2022 (Zirtawpni) 12:00PM-a Dampa bialtu MLA Pu Lalrintluanga Sailo in Govt. Middle School, West Lungdar Headmaster leh zirtirtu senior phone hmanga a vau hi NSUI Mizoram chuan pawi kan tiin kan dem tak zet a. Midangte dikna rahbeh sakah kan ngai a ni,” National Students’ Union of India, Mizoram (NSUI) chuan thuchhuah a siam.
Thuchhuahah chuan, “He School building hi NABARB sumpuk cheng nuai 29 hmanga sak a ni a, Office leh Choka sak a ni loa, inthiarna tur zunin leh ek in a that loh bakah School building leh room a zim hle bawk. School building sak hi luah tlak a la nih loh avang leh a sak a chhiat em avangin MZP Sub Headquarter W. Lungdar te pawhin an lo vuak chhiat tawh a ni nghe nghe. Hetiang hi zirlaite tan luah tlak a ni lova, an luah lo a ni.
School luah tlak loh an luah loh avanga bialtu MLA in zirtirtute sawn a tum leh a phone hmanga a vau hi kan dem takzet a, khawtlang mipui, zirlaite leh zirtirtute zah lohna leh zirna sawpchhiat pawisak lohnaah kan ngai a. Headmaster Pi Roliankimi leh a thawhpui Pu Khawlrochhunga thil tha lo tak a thleng a nih chuan NSUI Mizoram chuan a tul amg zelin hma a la dawn a ni,” an ti bawk.
