PC Party chuan, “Tun hnaiah SEDP Executive Board Chairman H.Rammawia’n SEDP, 2nd-Phase chu August thla chhûnga sem theih ngei tura buaipui a nih thu leh sum sem turah pawh harsatna a awm loh tur thu a lo sawi tawh chu chhuanlam dang siam lova, tun August thla chhûnga a dawng tur ten an dawn ngei PC Party chuan kan duhsak pui hle a ni,” an ti.
“Chhungkaw tam takin eizawn bul ṭan na’na sawrkar Flagship Programme – SEDP cheng nuai 3 ah beiseina sâng tak an neih laiin Sawrkarin tihhlawhtlin sak thei ta lo mah se, tuna cheng 25000/- an sem mêk tal hi chu la dawng leh tura in beisei 2nd-phase huangchhûng ami te hian tun thla August chhûng ngei hian sem ngei turin PC Party chuan sawrkar kan ngen tak meuh a ni,” an ti bawk.
