Self Help Group 967-ah member 1038 an awm

Eight Mizoram Legislative Assembly thutkhawm vawi 10-na vawiina neihah Serchhip Bialtu MLA Lalduhoma zawhna chhangin, Commerce and Industries department changtu Minister Dr. R. Lalthangliana chuan MzSRLM hnuaiah Self Help Group 967-ah member 1038 an awm tih House a hrilh a, Hemi atan hian Ministry of Food Processing Industries atangin Rs. 378,99,000 hmuh anih thu leh he sum hi sorkarin kumin July ni 21 khan department hnenah a pechhuak kim tih a sawi a.
Zawhbelhna chhangin sorkar laipui atanga sum hmuh ang ang hi tun thla ni 1 khan Self Help Group te hnenah pekchhuak a nih thu House a hrilh a. Aizawl North II Bialtu MLA Dr.Vanlalthlana zawhbelhna chhangin Industrial Estate atan allotment pekchhuah a dik tawk lova hmang an awm thin avangin a enfiah tur committee din a nih thu a sawi a, Industry hmun 4 chu a panna kawng siamtha turin cheng Vbc. 40 chuang hmanga hmalak tum a nih thu a sawi bawk.
Hei bakah hian Commerce and Industries department changtu Minister Dr. R. Lalthangliana chuan Commerce & Industries Department chuan SEDP hnuaiah Rs. Vbc. 33 hmuh anih thu leh hei hi trade hrang hrangah semchhuah mek a nih thu House a hrilh bawk a ni.