Zirtawpni khan Urban Development & Poverty Alleviation Department chuan Pradhan Mantri Awas Yojana (Urban)- Housing For All Mission hnuaia Beneficiary Led Construction (BLC) Vertical Aizawl 2nd Detailed Project Report (DPR) atanga insak tanpuina dawng tur, Beneficiaries mi 192 te tan Sensitization Programme a buatsaih.
Sensitization Programme atan hian Beneficiary mi 192 kohkhawm an nih lai hian mi 160 a hmunah an kal thei a ni. He Programme hi Pu HVL Zarzoenga, Joint Director (Plan), UD&PA Deptt. chuan hmanpuiin, Pu JH Biakdiktluanga, Municipal Finance Specialist chuan PMAY(U) chungchangah PowerPoint Presentation a pe a, hemi zawhah hian Grant- in -Aid Letter leh Undertaking semchhuah a ni.
Aizawl 2nd DPR ah hian beneficiary mi 4157 an awm a, Sensitization Programme neihpui tawhte hi Beneficiary 2890 an tling tawh.
Sensitization Programme ah hian Mission kalphung, pawisa pekchhuah dan, in sak dan tur leh in sak thlalak dan te hrilhhriat an ni a. Grant- In – Aid letter, intiamkamna lehkha (Undertaking) pekchhuah an ni bawk a. Tun tuma kohkhawmate hian Intiamkamna lehkha chu Local Council te hriatpuina in beneficiary ten an sign hnuah UD&PA Deptt. ah September ni 14 ral hma ngeiin an thehlut tur a ni. Intiamkamna lehkha an thehluh hnu hian Beneficairy te Bank Account ah Direct Benefit Transfer hmangin 1st installment Rs. 60,000/- Department in a thun nghal ang a, 2nd leh 3rd installment chu Central atanga fund hmuh a nih hunah pek zel tur a ni dawn a ni.
2nd September, 2022 khan Electric Veng YMA Hall ah Housing For All Mission chuan Aizawl 1st DPR a Beneficiary 518 te Sensitization Programme lo neihpui tawh a, he Programme ah hian Beneficiary 441 an kalkhawm thei a ni.
Aizawl 1st DPR chhungah hian Beneficiary 864 an awm laiin, Sensitization Programme neihpui tawhte hi Beneficiary 327 an ni a, Sensitization Programme hi la neih chhoh zel tur a ni.
