Vawiin ni 25 July, 2025 (Zirtawpni ) chhun dar 12 khan MZP General Headquarters Executive Meeting vawi 646 (2023-2015 term-ah vawi 24)-na chu MZP Conference Hall-ah neih a ni a. MZP Assembly 2025 leh Election chungchang rel a ni.
Meeting chuan MZP Assembly 2025 leh Election hun atan ni 3 September, 2025 (Nilaini) a ruat a. MZP Assembly Organising Committee leh MZP Election Commission a din nghal.
Meeting chuan, Mizoram state thenawm Assam atanga illegal imigrant (Bangladeshi) nuai 20 atanga nuai 30 vel hnawhchhuah an tum avanga, a nghawng tur ngaihtuah a inveng lawk turin Mizoram sawrkar a ngen a. Assam state thenawmte nasa taka an inbuatsaih mek laiin Mizoram kan inbuatsaih lo a nih chuan, heng illegal imigrant te tlanchhiatna tur chu Mizoram a ni dawn a. Chuvangin, ruahmanna felfai tak a rang thei ang bera siam turin MZP chuan Mizoram Sawrkar a ngen a ni.
Meeting zawh hian Remna Ni 2025 puala siam “Souvenir” tlangzarhna hun neih nghal a ni a. Pu Lalmuanpuia Punte Adviser to Chief Minister (Political) chuan tlangzarhin, thu a sawi a. MZP ten Remna Ni kum 7 lai a hmang thei chu lawmawm a tih thu leh, kum lo kal zelah pawh tun aia changtlung zawka buatsaih zel turin a sawm a ni.
