Serchhip Sub-Hqrs. YMA Office Building atanga nimin tlaia zuangthla Lalchhanchhuaha chu nizan khan boralin vawiin July ni 2, 2025 hian vuiliam a ni ang.
Serchhip atanga thudawn danin Serchhip Field Veng-a cheng Lalchhanchhuaha (29) hi July 1, 2025 Office ban hnu, tlai dar 5:50 vel khan Serchhip Bazar-a Sub-Hqrs. YMA Serchhip Office Building chhawng 4-na atangin a zuangthla a, hliam na tak tuarin Serchhip damdawi In panpui nghal a ni a, amaherawh chu a hliam tuar lovin zan dar 11:30 velah a boral a ni.
Lalchhanchhuaha hi nupui nei tawh niin tunhnaia an nupa karah hian harsatna neuh neuh an nei ni awma sawi a ni. YMA Office hi thir hmanga hung niin hetah hian lawn Iutin a chhawng chungah hian a chho nia rin a ni a, a zuangthla lai hi mi thenkhat chuan an hmu nia sawi a ni hawk.
