Vawiin 18th September, 2023 (Monday) hian BJP Mizoram Pradesh chuan BJP State Office ah, ṭhalai te huaihawtin SEVA PAKHWADA WEEK (Mipui Vantlang tana luanchhuahna), Pu Narendra Modi Birthday puala midang tana luanchhuahna hun neih mek pualin BLOOD DONATION CAMP neih ani a, Aizawl Civil Hospital tan thisen Unit 25 pek a ni.
He hun kharna a thusawitu Dr BD Chakma MLA, BJP Core Group Member in thusawina hun neiin, BD Chakma chuan, “India ram pum ah Pu Modi Birthday lawmna puala midang tana luanchhuahna hun kan nei leh thei hi a lawmawm hle a, Mizoram ah pawh kan theih tawk a hmalak thin a ni. Chutiang atan chuan ‘Blood Donation Camp’ hi buatsaih ṭhin a nih avangin kum dangah pawh neih zel kan la tum dawn a, Aizawl Civil Hospital-a thawktute nen pawh thawh hona ṭha tak kan neih chhunzawm zel kan beisei a ni,” a ti.
BD Chakma chuan, “thisen petute zawng zawng chungah lawmthu kan sawi a, midang tana luanchhuahna hun hrang hrang SEVA PAKHWADA pual hian kan nei ṭhin a, 2nd October thleng mipui vantlang tana luanchhuahna Programme hi kalpui tur a ni leh dawn a, BJP chu Midang tana luangchhuak a, mi hnuaihnungte leh mi retheite tana hma la ṭhin kan ni tih hi Mizoram mipui hriatah ka sawi duh a, kan hnathawh te hi enfiah leh enchian ngam a ni ṭhin a ni,” a ti bawk.
