Siaha District a MNF chhungkaw buaina kal mekah vawiin lam khan MNF Dist Hqrs. a Gen. Secretary leh Secretary nihna chelh mek leh frontal a mawhphurhna pawimawh chelh mek, mi engemawzat leh MNF rorelna VC 2- ten MNF atangin an bang leh a, MNF Unit 9 te pawhin MNF Dist Hqrs ah kal chilhin MNF primary member an nihna atanga an ban thu an hriattir a, seal pawh an pekir nghal bawk a ni. Hetihlai hian Gen.Secretary leh Secretary thenkhat chu banna thehlut tura an inbuatsaih laiin an nihna atangin chawlhtir an ni bawk a ni.
Tarlan tawh angin MNF President Zoramthanga, CM ni bawk in Dr. K.Beichhua, Minister atanga a chawlhtir leh MNF Primary member atanga a chawlhtir atangin, MNF District Hqrs Siaha chuan buaina a tawk chho mek zel a, he buaina hi a la intan chauh thudawnna chuan a sawi bawk.
DND-in thu a dawn dan chuan, Dr.K.Beichhua hi MNF in harsatna a tawh lai pawha MLA nia theihtawp a MNF tana Mizoram dung leh vanga beitu a ni a. Hmangaih taka MNF tana theihtawp a chhuah mek lai leh Pu Zoramthanga, MNF president thu anga rinawm taka hma a lak avanga dinhhmun chhe takah a ding ta chu a bial mipuite chuan an lainat hle a ni, a ti.
Tun dinhmunah Siaha Dist MNF chu pawl hnihah kehin pawl khat chu Dr.K.Beichhua pawl – a chhuak pawl an ni a, pawl khat chu MNF pangngaiin an awm a ni.
