Siaha Dist,Naotla ah vawk 12 suat phumbo a ni

Vawk natna hri – African Swine Fever thawhhnihna leng meka Mizoram district zinga a luhna hnuhnung ber Siaha district ah chuan vawiin khan vawk 12 chu AH & Vety department lam leh district administration remtihna in kahhlum an ni. Naotla (Niawhtlang) a vawk damlo 12 chu Rapid Antigen Test hmanga ASF an ni tih finfiah a nih hnu ah tihhlum an ni a, he khua hi tuna hriat theih chinah Siaha district-a ASF lenna khaw awmchhun a ni. Tun thlengin Siaha district-ah ASF vangin vawk 17 a thi tawh a, suat 37 awmin, a vaia phumbo tawh hi 54 a ni