Mi rinawm tak hnen atanga Selesih area, Aizawl a ruihhlo (heroin) zuar an awm thu an dawn chu bawhzuiin Aizawl District Special Branch (DSB) team chuan nizan Dt.25.05.2024 khan Selesih, Aizawl pan nghalin, Search operation an nei a. Selesih NEC Junction-ah Scooter (Access) dum, nylon bag var pahnih liantak phur chu lo tidingin, bag pahnih chhung atangin heroin ni ngeia hriat, Kg 3.547 (sahbawn bawm 311/hawng 311), Rs.1,06,41,000 chuang man chu thuhretu rinawm tak pahnih awm laiin C.T Liana (25) s/o Chanbilthuan, Hmattung, Tahan, Myanmar nia inchhal kut atangin an man. Mi man hian India rama luh phalna (valid documents) a nei lo a ni.
Bawngkawn Police Station-ah thubuai, case No.185/24 dt.26.05.2024 u/s 21(c)/ 25 ND & PS Act r/w 14 Foreigners Act ziah luh nghal a ni a, a thurual pui dangte chhui mek a ni.
Mizoram Police te chuan, “Khawtlang mipuite thawhpuina leh thlawpna nen chuan kan duhthusam ‘Drugs Free Mizoram’ hi kan thleng thei ngei ang tih kan beisei. Amaherawhchu mipui, khawtlang tlawmngai pawl leh he thil veitu zawng zawngte kan ṭanrual erawh a ngai a ni,” an ti.
