BJP National General Secretary NE Incharge Pu Ajay Jamwal chuan BJP Mizoram hruaitute Morcha hrang hrangte nen inkawmna hun an neih zawh ah, nizan khan BJP Office Upper Republic ah meeting a neihpui lehin Pu Vanlalhmuaka State President in inkhawm hi a kaihruai a ni.
Pu Ajay Jamwal chuan MNF Sorkar chu Central Sorkar in Covid 19 hripui vangin nasa taka a pui tawh thu sawiin, Mizoram Sorkar hian Central atanga sum an dawnte hian mipui hnen athleng lo thin niin alang a ti. Pu Ajay Mizo mipuiten PM Scheme ataka an chhawr theih nan leh BJP Sorkar Mizoram ah kan nei hunah PM Special Pakage pawh pek kan ni dawn a ni a ti. Central atanga malsawmna tam tak Mizoram ah a luan luhna turin MNF Sorkar paihthlak a, Mizoram ah BJP Sorkar din ngei ngei turin Mizoram mipui te ka sawm che u a ni a ti.
Vawiin ah hian Central hian Mizoram BJP aia MNF an ring zawk anih chuan Central hruaitu te, Union Minister te hi engvangin nge MADC ah Campaign tura kan lo kal, MNF Ministry hi Central hian aring ngam lo a ni tih heta tang pawh hian a chiang hle a ni. Chuvangin MNF Ministry mumal lo taka kal mek hi kan tih tawpa Mizoram mipui tan Sorkar tha tak kan din angai ani. Kum 2023 Mizoram MLA General Election lo awm tur ah hian BJP chuan Mizoram ah Sorkarna kan siam ngei dawn a, chumi atana Mizoram mipuite kan hmalam hun thlir chunga BJP thawhpui zel turin ka ngen che u a ni a ti bawk. Pu Ajay Jamwal a chuan MNF Party chu Delhi tlanga BJP thian Mizoram a BJP paihthlak tumtu annih avangin Laiking ang chauh anni a, hetiang ze nghet neilo leh mumal lo in a Mizoram mipui (Innocent People) an hruai hi a pawi tak zet a ni. Chuvangin Mizoram Chief Minister Pu Zoramthanga leh a kaihruai te hian dawt hmangin mizo mipuite hi an bum rei tawh dawn lo tih kan hriattir a ni a ti bawk.
Vawiin 27th April 2022 hian Pu Ajay Jamwal General Secretary NE incharge, Pu Vanlalhmuaka BJP State President bakah hruaitu dangte nen MADC inthlan lo awm tur chungchangah Siaha an kal nghal bawk a ni.
