Mizoram-a sawrkar hnathawk inzawmkhawm pawl, Federation of Mizoram Govt. Employees & Workers (FMGE& W) vawiina thukhawm chuan Mizoram Sawrkara an thil ngiatte sawrkarin a tihhlawhtlin loh avang leh a tih hlawhtlin thuai phut nan hnathawk lova nawrh (Pen-Down Strike) neih an rel.
FMGE& W chuan, “Dearness Allowance chungchang Mizoram Sawrkar Notification No. G. 12011/2/2017-FIN(PRU) Dt. 16.8.2018 ah chuan hetiang hian a inziak a, “Dearness Allowances rates as sanctioned by Government of India to its employees from time to time shall be followed. However, separate sanction of the Government of Mizoram needs to be obtained for each increase and release of the Dearness Allowance”. Amaherawhchu Central Employees te DA rate leh Mizoram employees te DA rate chu hetiang hi a ni Central Mizoram 31% wef 1.7.2021 28% wef 1.3.2022 till date 34% wef 1.1.2022 38% wef 1.7.2022 DA rate hi thla ruk (6 months) dan zelah tihpun thin a ni a, Mizoram Sawrkar hnathawkte DA pawh tipung ve zel turin Sawrkar-ah ziakin kan thlen tawh thin a, Sawrkar hotute — Chief Minister, Deputy Chief Minister leh Minister dangte pawh vawi hnih vawi thum kan sawipui tawh hlawm hawk a, amaherawhchu hmasawnna kan nei thei rih lo a ni,” an ti a.
“Hlawh lak tlai chungchang Supreme Court Judgement CA No 399 of 2021 dt. 8.2.2021 chuan Sawrkar Hnathawkte hlawh chu a hun taka pek thin tur an nih thu leh pek tlai an nih pawhin a interest nena pek tur a nih thu a sawi a. Chutih laiin Mizoram Sawrkar hnathawkte chu thla engemaw zat chu hlawh pek tlai kan ni leh tawh a. Hemi chungchang hi Chief Minister hovin dt. 18.2.2022 khan kan sawihova, Chief Minister pawhin a hun taka (thla tawp or thla thar veleh) hlawh pek chhuah thin anih tur thu leh chutianga ti thei tura hma lak zel a tum thu min hrilh a. Amaherawhchu thla tam tak chhung chu hlawh pekchhuah tlai a ni leh to a, chuvangin Sawrkar hnathawk mi tam takin harsatna kan tawk mek a ni.
“62 yrs Retiring Age chungchang FMGE&W in General Conference-a kan lo rel tawh angin Mizoram Sawrkar hnathawkte retiring age chu 62 yrs a tihsan turin Sawrkar-ah dilna kan thlen a, Dt. 23.6.2022-khan Chief Minister chuan Cabinet Meeting-ah ngaihtuah a nih tur thu min hrilh a, amaherawhchu tun thlengin Cabinet Meeting ah ngaihtuah a la ni lo a ni,” an ti bawk.
