PC Party chuan thuchhuah siamin, “Tun hnaiah Central-a BJP sawrkarin ṭhalai hna zawk mekte tana beidawnna thlen leh mai tur sipai lakna tur scheme thar a siam Agnipath Scheme duh loh avanga India ram state hrang hranga dodalna lian tak thleng mek hi PC Party chuan awm kan ti hle.
“He Agnipath Scheme kalpui tuma sawrkar laipui hma lak mekna hi ṭhalai hna zawng mekte hmakhua tibahlah theitu a nih theih dawn avangin sut leh se PC Party chuan kan duh hle.
“Hetih lai hian central sawrkarin he scheme hi a kaltlangpui a nih pawh a, kum 4 hnuah chuan ministry tin huangah hna thawh chhunzawm theihna kawng hawn zui an tum thu an au chhuahpui hi a taka hlen ngei turin PC Party chuan central sawrkar kan phut bawk a ni,” an ti.
