BJP Mizoram Thalai Headquarters chuan thuchhuah siamin, “Mizoram Sorkar in a hnathawk te a enkawl zo ta meuh lo chu zahna chang hria a, Finance changtu Minister hian sum a enkawl thiam ngang lo anih chuan midang kutah a dah dawn nge banna atheh lut mai dawn tih hi BJP Mizoram chuan kan zawhna a ni.
“BJP Mizoram Thalai chuan Mizoram a Pu Zoramthanga kaihhruai MNF Sorkar chu kawng engkimah an hlawh chham tih achiang a, an Manifesto pui ber, mirethei/mipuiin ten an thlan chhan SEDP atangin Rs 300000 (Nuai thum) kan sem dawn a, in tin ah NLUP dawng tawh te pawhin in dawng vek dawn tih a sawi pawh, dawt muhlum anih tak avangin, hetiang tak mai a Mizoram hotu lu berin Mizoram mipui te abum a bum mai hi ngaihthiam har kan ti hle a, Pu Zoramthanga hi CM nitlak ah kan ngai tawh lo a ni. Rs 3000000 (Nuaithum) a sem theih ngangloh avanga hmaiphih nan, Rs 25000/- mi tlemte hnenah chauh an sem ta hian Mizoram Sorkar rintlakloh zia a ati lang chiangin, an hlawhchham zia a lang chiang hle a ni.
“Pu Zoramthanga kaihhruai Sorkar chuan Intodelh tum a an hmalakna pawh an mahni ngei pawhin atak thleng thei ah an ngai lo tih alang a, Mau chi to tak tak a lakluh a sum siam nan mai atana an hmang ni a lang te hi a pawi kan tiin, mipui hmuhsitna lian tak ah kan ngai a ni.
“Hun engmaw chen atanga Mizoram Sorkar hnathawk ten thlatin hlawh an lak hun pawh an tidang lam zo ta mai te hi Sorkar hlawhchham zia leh Finance changtu Minister hlawhchham zia ti lang chiangtu a ni a, CSS kaltlanga hlawh la te pawh a hun ngaia hlawh an pe leh thei tawh lo te hi amak kan tiin, Central hian CSS kaltlanga Sorkar hnathawk rawih te hna a tihtawp mai te pawh ahlauhawm hial in BJP Mizoram Thalai Headquarters chuan kan ngai a ni. Heng bakah pawh kawng tamtakah hlawhchhamna hlir maia Mizoram min hruai hi Pu Zoramthanga kaihhruai MNF Sorkar chu Sorkar zel tlak ah BJP Mizoram Thalai chuan kan ngai lo a ni,” tiin an tarlang.
