Sorkarna siam leh turin Congress an beisei niin sawi

“Mipuiin Congress party Sorkar na siam leh turin min beisei a, party chhungah phur tharna nasa tak a thleng mek” Lallianzuala Khenglawt, Secretary MPCC chuan a ti.
Lallianzuala Khenglawt MPCC Secy. chuan, Congress party hi Sorkar na siam leh turin mipuiin min duh a, tunah hian phurtharna nasatak kan chang a, Aizawl bhawan ah nitin an khat luih luih a, Pu Lal Thanhawla te nupa an Office nitin bawk a, mi rin kan hlawh thar a, kan hmakhua a eng zel a ni a ti.
He thu hi nimina Congress Bhawan Lunglei a Political session ah sawiin, MPCC Secy chuan kan khingpui lian ber MNF party te hi beih vak pawh ngai lovin an buai tawk em em a, ram sum leh pai an enkawl thiam loh vang a harsatna an tawh piah lamah pawl leh pawl in an in hruipawh nasa em em a, hei hi reh mai thei anih tawh loh avangin Sorkar na siam nawn leh hi an tan a harsa em em dawn a ni a ti. Eirukna leh hlemhletna laka fihlim, Finance Minister tha chungchuang a sawi, Pu Lalsawta kaihhruaina hnuaiah Congress Party hian sorkar na a siam hi kan ram tan a tul takzet tih hi ramchhung mipui hian an duh takzet tawh a ni a ti.
Lunglei Dist chhungah pawh Congress party dinhmun a chhe lo tih sawiin hmasawnna ruhrel chi hrang hrang hi Congress party hunlai a thawh vek a ni a, tun an term ah pawh hian an kut zala hmasawnna ruhrel an thawh hi hmuh tur a awm lo a ni a ti.
He hunah hian Lalhmangaiha,LDCC Secy leh Co-Ordinator ,All India Proffessional Congress party ni bawk pawhin karkalta a Raipur a India rampum a Congress Party in tawhkhawmna leh Indian Economy chungchang leh Subject hrang hrang an zirhona chungchang a report a, an subject-ah an chiang a, an nui ve dur dur lo a ti.