Tukin 31.3.2024 zinga To thawk avang khan South Tuipui bial chhung New Ngharchhip khuaah chenna in sawm 12 leh Tarpho-ah in 1 luah tlak lovin a chhia. He chanchin buatsaih lai hian hnatlang thawkin heng in chhia thawm that hna hi an thawk mek a ni.
New Ngharchhip-a thli in in a tihchhiat te hi Myanmar atanga Mizorama sahimna zawnga rawn raltlante chen lailawkna in 8, khaw chhungah in luah lai 3 a tihchhiat bakah Sub Centre chung a hawk bawk a ni. Tin, Power Supply an lakluhna 11kV line hruipui pawh a chat nual niin thu dawn a ni.
Chhiatna a thleng tih a hriat ve leh South Tuipui bialtu MLA Pu Jeje Lalpekhlua chuan hma la nghalin, sawrkar official biak ngai te a be nghal a, a hmuna enfiah turin official te a tirin, in chhe siam hnatlang thawkte thingpui lumna tur sum engemaw zat a hlan a, New Ngharchhip-a in chung chhia thawm that nan Rangva a pe bawk.
