Vawiin khan Assembly Speaker Lalrinliana Sailo chuan ATI-a MSS Foundational Course Training kallai mek mi 23 te kawmna a office-ah a nei.
Speaker Pu Lalrinliana Sailo chuan thu sawiin Assembly House inkaihhruaidan te a tarlang a, MSS te chu sawrkar hna chelhtu pawimawh tak, file khaikhawmtu an nih bakah a tul anga bul tantu pawimawh tak an nih angin thahnemngai taka sawrkar hnathawk tu an ni a ti a. Sawrkar office neitu leh sawrkar venpuitu bulthum ber an nih anga rules te hrechiang a, inzir belh ngaite inzir zel turin a fuih a. Sawrkar tan nasa leh zuala hna an thawh theih nan an hriselna ngai pawimawh turin leh nundan hrisel neia fimkhur taka ruihhlo leh thildang tha lo ti lo a, taksa hrisel chuan rilru hrisel a kengtel tih hre reng a, an hriselna a pawimawh tih hre reng turin a fuih bawk a. Speaker chuan e-vidhan chungchang sawiin, kum 2019 khan India ah hmalakna awmin Mizoramah pawh tun kum atanga bul tan a ni a ti a. Hei hian zawi zawiin Administrative system langtlang a ken tel a rin thu sawiin, ramin a la hlawkpui chhoh zel a rin thu a sawi bawk a ni. Mizoram mamawh, chhawrnahawm ni turin vawiin a trainee mi 23 te hi an kalzelna turah duhsakna a hlan a ni.
Course Director Pi Lalengvari chuan Speaker Pu Lalrinliana Sailo chungah lawmthu sawiin, tun hnaia Assembly in an kalpui thar e-Vidhan chungchang chu Pu John Lalrinawma hnen atangin training an dawn thu te a tarlang a, Speaker in Assembly library leh a chhevel tlawh phalna a pe chu lawmawm a tih thu a sawi bawk a ni.
