Aizawl April 8 : Vawiin khan Sports Minister Pu Robert Romawia Royte chuan a office chamber-ah 1 Mizo Air Sqn NCC Republic Day Parade Cadet incentive hlanna hun a hmang a. CSUO Ajit Kumar, Mizoram University leh CUO Vanlalmalsawmdawngliana, Govt J. Thankima College te hnenah Rs 25,000/- leh Certificate hlan ve ve an ni.
Sport Minister hian Sports & Youth Services Department hnuaia NCC Air Wing atanga Parade contingent lawmman dawngte a lawmpui thu sawiin, NCC hi thalai nun zirna tha tak a nih thu leh tun aia uar zawka thalaite Army Officer leh Air Force Officer ni tura NCC kaltlanga tan la zual turin a chah a. NCC pawh a theih anga tihlen zel tul a tih thu a sawi bawk.
He hunah hian Best CTO (Caretaking Officer) pahnih Junior-ah Pu Zothanliana, Govt Chaltlang H/S leh Dr Sadhan Gope Mizoram University te hnenah Rs 5,000/- leh Certificate hlan ve ve an ni.
