Tunlai hian Aizawl Municipal Corporation chuan Aizawl khawpui chhungah Street Vending Plan an kalpui mek a, tunkar hian zawh hman an inbeisei.
AMC Dy. Mayor R. Thanglura, Vending changtu ni bawk hovin AMC a thawktute chuan AMC huamchhunga veng tinah kalpuiin, street vending plan hi Corporator leh Local Council te nen Aizawl veng hrang hrang a kawngpui sir hmun remchang laia inzuarte ṭhutna tur hmun hi an enkual a. Aizawl khawpuichhunga felfai zawk a kalpui dan turte an enho a ni.
AMC Dy. Mayor R. Thanglura chuanVendor te kaihhruaina mumal kan la nei lova, district dangah zawh fel a nih tawh a, Aizawl ah tihfel ve thuai tum a ni a, plan mumal tak siamin vendor te kaihhruaina mumal tak neih thuai kan tum, a ti.
Vendor te tan leh mipui tana him lo chin tibo vin, licence nei lo tam tak awm mek tihbo an tum thu a sawi bawk.
AMC hian tunthla-November ni khat aṭang khan street vending plan hi kalpuiin district pum puiah Vending Zone leh Restricted Zone siamin Mizoram sorkar in notification a la chhuah leh dawn a ni.
