Sum pe chhuak vat turin PC Party-in ngenpui

PC Party chuan vawiin khan thuchhuah siamin, “Tunhnaia Mizoram kawngpui pawimawh tak Vairengte atanga Kawnpui inkar National Highway zauhna tura a ram leilung neitute sum Mizoram sawrkarin a hreksak reng avanga Kolasib Districrt- a Land Owners Association te lunghnur taka siamtu MNF sawrkar PC Party in kan dem takzet a.
“Hetianga kumhnih chhung teh meuh Koilasib District – a Land Owners Association te kut phuar saka, an huan lo rama kutthlak thei miah lova siama, zangnadawmna pek duh bawk siloh avanga Mizoram sawrkar chunga an lungawi lohna lantir nana an hmalak mèkna leh an hmachhawpte PC Party chuan kan thlawp tlat a. He thil avanga buaina lian zawk a punlun loh nan a rang thei ang bera Kolasib District Land Owners Association te zangnadawmna sum pe chhuak thuai turin Mizoram sawrkar kan phut a ni,” an ti.