MIMA hruaitute chuan an ngenna kal zelah, SBI manager-in hriattirna leh ngenna a siam, Rs. 10/- coin hman leh thleng, deposit theih anih chungchang SBI in a chhuah angin, “Sumdawngte mai ni lovin, mitinin Rs. 10/- coin hi inhmang tawnin, dawng tlang vek ila, tumahin harsatna insiam lo turin kan ngenin kan inhriattir a ni e,” tiin thuchhuah an siam.
Mizoram Merchant Association (MIMA) Gen. Hqrs. Office Bearer (OB) chuan vawiin khan K. Lalrinliana, Supply minister chu a Office-ah kawmin, eng emaw harsatna a awma, POL Control vat anih thin avanga mipuiin POL-ah harsatna a thleng zawk nia an hriat dan an sawipui a. POL Control anih hian a tuk lawkah POL a awm lo nghal zela, mipuiin kan tuar thin thu an thlen a. Hei hi petrol black-a zuar an tam lutuk vang niin MIMA chuan a ngaih thute an sawipui a. Black a petrol zawrh hi phal loh anih thu hi thu awm sa a nia, chhuah thar leh a, a rem dan tura hmala turin am ngen nghal a. Minister in a lo chhan danah MIMA OB te an lawm hle. A theih anga hma lak a tum thu MIMA hruaitute a lo hrilh bawk.
