Ni 11-12, July, 2022 khan Mizoram Youth Commission Conference Hall, MINECO Khatlaah MYC in an lo thlan chhuah Super IAS 40 programe hnuai a Full sponsorship a, Delhi a kal turte chu Dr. Vanlaltanpuia, MLA leh Chairman, MYC kaihhruaina hnuaiah Agreement bond sign pui an ni.
He agreement bond sign ah hian candidate te hian UPSC Exam hi tum thum (3) tal an hmachhawn anga, kum 2 chhung chu UPSC exam tih loh chu eng exam mah hmachhawn lo turin an intiam a, a kum 3 na ah erawh chuan UPSC exam bakah exam dang hmachhawn phalsak an ni thung dawn a ni.
MYC chuan candidate te kal lam leh haw lam senso a tum dawn bakah, PG/Hostel fee leh tuldangte a tum sak dawn a ni.
Ageement Bond sign naah hian sponsorship dawn tur thlanchhuahte bakah an lu/pa te bakah MYC Official ten hriapuina an ziak bawk a ni.
