Congress Thalai Hqrs – Mizoram Pradesh Youth Congress Committee (MPYCC) chuan thuchhuah siamin, “Tun thlenga Mizoram Sawrkarin Tar pension, Hmeithai leh rualbanlote hnena thla tina a pek tur tanpuina pawisa a la batsak hi a rang thei ang bera pe turin kan phut a ni,” an ti.
Thuchhuahah chuan, “National Social Assistance Programme (NSAP) hnuaia tanpuina Central atanga lokal chu Mizoram sawrkarin nikum 2022 September thla thleng chauh State matching share hi a la pe a, chu bakah Central sawrkarah a changtu Minister ten an nawr zui loh avangin tar, hmeithai leh rualbanlo te an khawngaihthlak hle a. An lawmman dawn ve turte dawng lovin Krismas leh Kumthar lungngai takin an lo hmang liam tawh a. MPYCC te chuan kan lainatin, an innghah vena ber a hun taka an hmu thei lo chu pawi kan tiin MPYCC te chuan an thlavang kan hauh tlat a ni.
“MPYCC ten kan lo sawi fo tawh angin MNF sawrkar Pu Zoramthanga kaihhruai hian sum a enkawl thiam lohzia a lang nawn leh a, Chief Minister leh a sangawizawnpui Contractor ten a vaibelchhe tela bill an lak thin laiin, tar leh hmeithai bakah rualbanlo te thlenga lawmman mi pakhatah cheng sangkhat vel chauh pawh an pe thei lo hi lungchhiatthlak kan ti takzet a, MNF sawrkar hi tar, hmeithai leh rualbanlote tan innghahna tlak sawrkar a nih lohzia a chiang hle niin MPYCC chuan kan hria a ni,” an ti bawk.
