TATA SK 712 PRO VOLLEYBALL LEAGUE 2023
@ R Dengṭhuama Indoor Stadium, Mualpui
RESULT
June 13, 2023 – Thawhlehni tlai
Bethlehem Vengthlang bt Durtlang (hmeichhia)
– 25-7, 25-12, 25-20 (3-0)
D3 Business Player of the Match
– Elisian Medai (Bethlehem Vengthlang)
REPORT
Bethlehem Vengthlangin an mamawh hnehna an chang a, thawhlehni tlai Tata SK 712 Pro Volleyball League-ah 3-0-in Durtlang lakah an chak.
R Dengthuama Indoor Stadium, Mualpuiah Elisian Medai a inlar thar leh a, point 25 hmuin tum nga hloh mah se D3 Business Player of the Match lawmman a dawng a, 25-7, 25-12, 25-20-in Bethlehem Vengthlang a chakpui.
Kanan leh Luangmual laka an tlawm zawn hnuah champion lai Bethlehem Vengthlang an derthawng na a, Durtlang lakah hneh takin inkhel an thunun nghal a, player-ten nuam ti takin an khel.
Set hnih an hloh zawn hnuah Lalpekhlui’n kum lama naupang rual awm khawmna Durtlang nawr kalin 13-8-in hma an hruai hman. Mahse, Bethlehem Vengthlangin bei letin point kua an hmu zawn a, an lehpelh hnuah hawi kir tawh lovin an tlang.
Bethlehem Vengthlang tan Lalchhandami’n vawi ruk vaw tlain Chinglunkimi’n point ruk a thawh bawk a, chutih laiin point li ve ve paihin mi malin Serkawn Lunglei nula Elisian a langsar.
Mizoram inelna sang berah el thamin Durtlang an inlan phak lo zui zel. Team chawi kang tham player theihna nei tha an kawl tawk lo va, Peki’n point riat a hmuh laiin vawi sarih a tisual a, team tana thawh hlawk ber a ni.
2019 champion an nih hnuah Durtlangin Pro Volleyball-ah harsatna an tawk a, khelh ruk an tlawm zawnna niin knockout round inhlangkai turin an hmabak khelh hnihah chak ve ve an mamawh.
Tum li an khelh tawhah a vawi hnih nan Bethlehem Vengthlang an chak ve thung a, semifinal lut thei dinhmunah inhungin June 19-ah league an khel zo dawn a, an hnuaia awm mek Power an hmachhawn ang.
Stats :
BETHLEHEM VENGTHLANG
Elisian Medai : point hmuh – 23, point hloh – 5
Lalchhandami : point hmuh – 8, point hloh – 4
Chinglunkimi : point hmuh – 6, point hloh – 4
Flora Lalrinmawii : point hmuh – 3, point hloh – 3
Lalkhumtiri Renthlei : point hmuh – 2, point hloh – 3
Lalrampani : point hmuh – 2, point hloh – 0
DURTLANG
Lalpekhlui : point hmuh – 8, point hloh – 7
Emily Lalramsangi : point hmuh – 4, point hloh – 3
Lalrinthangi : point hmuh – 3, point hloh – 5
Melody Lalrintluangi : point hmuh – 0, point hloh – 5
Lallawmawmi : point hmuh – 0, point hloh – 3
Vansangpui : point hmuh – 0, point hloh – 3
POINT TABLE
1. Kanana : Play 2, Won 2, Loss 0 – Point 6
2. Luangmual : Play 2, Won 2, Loss 0 – Point 6
3. Bethlehem Vengthlang : Play 4, Won 2, Loss 2 – Point 6
4. Bungkawn : Play 3, Won 2, Loss 1 – Point 5
5. Power Department SC : Play 2, Won 0, Loss 2 – Point 1
6. Durtlang : Play 3, Won 0, Loss 3 – Point 0
FIXTURE
JUNE 13 (THAWHLEHNI) :
08:00 pm : Chhinga Veng Spikers v Durtlang North (mipa)
JUNE 14 (NILAINI) :
03:30 pm : Bungkawn v Luangmual (hmeichhia)
08:00 pm : Tuipuiral v TNT (mipa)
