Tv. C. Laltanpuia S/o Lalngilneii, Mamit Charkawn chu vawiin tlai dar 2:30 vel khan Teirei luiah chesualin a boral.
Tv C. Laltanpuia leh a thianpa Dennis Lalremhluaa te hi nimin khan Teirei Luia inchiah dai turin Mamit atangin an kal a, Teirei Lui (Mithi rawh lui chhuah) ah an chiah dai chu li thuk thut ah Tv. C. Laltanpuia hi lutin a chesual ta a ni. Bawngva leh Darlak khua atanga kal tui thiamten a ruang hi an zawng nghal a, darkar chanve vel an zawn hnuah a tlakna liah hian hmuh a ni.A chetsualna lai hi ban pil zeta thuk a nih thu a ruang lachhuaktute chuan an sawi.
Tv. C. Laltanpuia ruang hi Bawngva khuaah lak niin Bawngva Section YMA ten kuang an siam sak a, vawiin tlai thim hlim khan an chenna In thlenpui a ni. Zanin hian tlaiavarpui niin naktuk ah Mamit Venghlun Thlanmualah vui a ni ang.
