Tiam chin awm lovin Total Bandh huaihawt dawn

Hachhek Bial Kuhva Chingtu Pawl (HBKCP) leh Hachhek Constituency a NGO te YMA Run, Kawrthah a kalkhawm chuan, Kuhva hralh chungchanga harsatna an neih te tun thlenga sutkian a la nih loh avangin Sawrkar laka Lungawi lohna en tirnan Nov.1, 2022 atanga tiam chin awm lova Total bandh neih an rel.
Vawiina Hachhek Bialpui mipui aiawhte kalkhawmte chuan Kuhva thar chhuahte hralh mumal theih a nih loh vanga an harsatna vawi tam tak Sawrkar hnena an thlen hnu pawh a tun thlenga an harsatna sutkian a la ni lo chu hriatthiam harsa tiin Joint Resolution siamin Sawrkar an lo nawr tawh dan te an tarlang.
HBKCP leh All NGOs thukhawm chuan Total Bandh neih chhungin Dawr, Zirna In, Sawrkar Pisa leh Kawngpui khar vek turin thutlukna an siam a, October 31,2022 zanlai thlenga Sawrkar lam atanga thu lawmawm an hre lo a nih chuan Total bandh hi a taka kalpui an tum a ni.
Hetih lai hian Cachar District lamah Mizoram tharchhuah Kuhva hralhna leh thiar velna kawngah ruahmanna siam fel a nih tawh laia Karimganj District lama harsatna la awm zel chu Sorkar Official te hmalak chak tawk loh vangah an ngai a. Hun tiam chhunga chingfel turin Mizoram Sawrkar Official te an phut a ni. An harsatna sukiang tura Sawrkar a che lo a nih a, Kumin chhunga an Kuhva rahte hralh mumal loh vanga a riral a nih chuan Sawrkar hian Hachhek Bial Kuhva chingtute hnenah Zangna dawmna atan Nikum lama an thar chhuah man hu Cheng Nuai 2750/- vel tal kumin chhung ngeia pe turin an phut bawk.