Aizawl June 8 : Aizawl Mayor Lalrinenga Sailo office-ah Thawhlehni khan Aizawl Municipal Corporation (AMC) leh Central Young Mizo Association (Central YMA) te inkawmin, Aizawl khawpui faina leh Tlawng lui humhalh kawngah thawhho an rem ti. Thawhlehnia thukhawm hian Working committee dinin, committee hian chak takin hma ala nghal dawn a. Working committee memberte chu a hnuai tarlante hi an ni:-
AMC aiawh turin:
1. Pu Laltlanzova Khiangte, Executive Councillor, AMC
2. Pu H. Lalhmingthanga, Joint Municipal Commissioner.
3. Pu John Zosangliana Ralte, Councillor.
4. Pu Lalfakzuala Chenkual, Councillor.
5. Pu David Zohmangaiha, Councillor
6. Pu Vanlalneia, Councillor.
7. Pi Chuauzikpuii, Councillor.
8. Pi R. Lalawmpuii, Councillor.
9. Pi Christina Roluahpuii Sailo, Councillor.
10. Pu C. Lalmuanawma, Town Planner.
Central YMA aiawh turin:
1. Prof. Lalnuntluanga.
2. Prof. Malsawmliana.
3. Pu JH Vanlalhuma
4. Pu Lalchhuanmawia.
5. Tv. V. Malrosanga
6. Pu Zosanglura.
Thawhhona chungchang ngaihtuah tura meeting hi Lalrinenga Sailo, Aizawl Mayor in a kaihruaia, Aizawl khawpui leh a chhehvela leivung paihin kan tuitlan ber Tlawng lui a tihbawlhhlawh nasat avangin khuahkhirh a nih theihna tura hmalak dan turte sawiho a ni a; a hmun lova bawlhhlawh paih tihtawp dan tur ngaihtuah ho a ni bawk.
