TOURISM MINISTER CONFERENCE AH PU ROBERT ROMAWIA ROYTE A TEL

North East Tourism Ministers’ Conference September ni 13 leh 14, 2021 a Guwahati a neihah Mizoram Tourism Minister Pu Robert Romawia Royte chu a tel a. He hunah hian Assam Chief Minister Himanta Biswa Sarma bakah NE State 8 a Tourism Minister te an tel hlawm a ni.

Pu Robert Romawia chuan he Conference ah hian thu sawiin Mizoram mamawh hrang hrangte a thlen a. Chung zingah chuan State Institute of Hotel Management a taka a kal vat theih nan hma la chak tur a ngenin, PRASAD Scheme hnuaia sanction la hmuh lohte sawi langin, Union Tourism Minister chuan Mizoram tan PRASAD chu Mizoram Tourism Minister-in a bawhzui tawh angin sanction anih tawh thu leh Sanction Order pawh in hmu thuai ang tiin Tourism Minister hi a hrilh bawk. 10% Gross Budgetary Support chungchang te, PIDDC scheme tawp ta avanga hnathawh chhunzawm theihloh thawh chhunzawm chungchang te, Skill Development chungchang te, Ropeway Project rei tak thuanawp tawh Swadesh Darshan Scheme hnuaia mite, NESIDS guidelines siamthat a ngaih thu leh North East State te chu Central India te nen a buklung pakhat (yardstick) a khaikhin fo lo turin leh North East State chu a bika ngaihhnathiam tur tein Union Tourism Minister leh DoNER Minister ni bawk chu a ngen a ni. Tourism Ministry,DoNER Ministry leh NEC ten project tha tak tak Mizoram alo pek tawh thinte avangin lawmthu a sawi bawk a ni.