Lunglei District Youth Congress Committee (LDYCC) chuan thuchhuah siamin, “Dt.20th June 2022 khan Dr. R. Lalthangliana, Hon’ble Minister, Health & Family Welfare Dept., Gov’t of Mizoram chuan Civil Hospital Lunglei hmuna Trauma Care Facilities chu ropui takin a hawng a, Chhimlam mipuite kan lawm in, Civil Hospital Lunglei thuam chakna tur leh rikrum thilahte, natna khirhkhan tak tak a hranpaa enkawl ngai bik a lo awm in, Chhim lam mipuiten Aizawl pan kher ngai lo tur a Level III Trauma Care Facilities Building hawn a ni hi tlumtea thlira kan lo thlir thin mipuite mamawh phuhru tur a nih ngei beiseiin nasa takin kut kan beng a nih kha.
“Hetih lai hian Building hawn a nih atanga kum 1 leh thla 3 dawn a ral hnuah pawh, mipuite tana chhawr theih tura Building luah a la ni lo leh thawktu tur pawh pakhatmah dah an la ni lo hi a lungchhiatthlak in Chhim mipui te bumna lian tak a niin a ngaih theih a. He thil avang hian Chhim lam mipuite an rum a, Trauma Care Facilities tun thlenga luahlum a la ni lo leh hman theih a a la awm loh chhan hi mipuite’n an hre duh a ni.
“LDYCC ten RTI zawhna chhana kan hmuh angin Civil Hospital, Lunglei Trauma Care Facilities sakna atan hian Ministry hmasa (Congress sawrkar) khan NEDP atangin Rs 300.00 lakh dah in Ministry of Health & Family Welfare, Gov’t of India atangin Rs 81.00 lakh hmuh niin a zavaiin Rs 381.00 lakh he building sakna atan hian sum dah a ni a. He hna thawktu (Contractor) chu Excell Consultancy Services, MV-168, Thakthing Bazar, MissionVeng, Aizawl, Mizoram te an ni.
“Lunglei Trauma Care Facilities hi hman a la nih loh na chhan Directorate of Hospital & Medical Education atanga an sawi chu thawktu tur (Human resource) leh Medical Gas Pipeline te la bun fel loh vang a ni tiin RTI zawhna chhan a ni a. Directorate of Hospital & Medical Education chuan Civil Hospital Lunglei a Trauma Care Facili- ties a taka hman theih a ni lo chunga hawn a nihna chhan hi an hriat bik loh thu in min chhang a ni.
“Mizoram hmun hrang hranga Trauma Care Facilities atana Post duan chhin (Proposal) 438 thehluh atangin harsatna neuh neuh avangin Mizoram Sawrkarin ti tlem tura a tih angin Post 144-ah ti tlem in duan chhinna (Proposal) pawh thehluh a ni tawh a (Letter No.A.11013/1/2014-DHME/ESST/166 Govt of Mizoram : Direc- toratre of Hospital & Medical Education) he proposal hi vawiin ni thleng hian hmalakna leh tih hlawhtlin engmah a la awm lo a ni,” an ti.
Civil Hospital Lunglei, Trauma Care Facilities ah hian ruahman dan chuan thawktu tur mi 19 (sawm pakua) awm tura duan a ni a chungte chu :
LDYCC chuan, “Hetiang a nih avang hian LDYCC te chuan Chhim mipuiten kan ngahhlelh leh kan mamawh em em Trauma Care Facilities, Civil Hospital, Lunglei hawn ni tawh si hawn a nih atanga Kum 1 leh thla 3 dawn hman theih loh a a awm hi pawi kan tiin hriatthiam harsa kan ti hle a. Health Minister in hetianga hman theih si loh Building a rawn hawng mai hi awmze nei lova mimal hmingthat tumna mai ah LDYCC chuan kan ngai a ni,” an ti bawk.
LDYCC chuan, “Heng khawl hrang hrangte hi NEC kaltlanga lei a ni tawh a, Civil Hospital, Lunglei Trauma Care Facilities ah a ngai ngai in ground floor ah dah a la ni a. Civil Hospital, Lunglei Trauma Care Facilities hi Trauma Care Facility Norms (as prescribed by Dte GHS, MoHFW, GoI) in guidelines a siamah chuan Level III-ah a awm a ni.
“Kan Minister zahawm tak Dr. R. Lalthanglian’n Dt.2nd September 2023-a Zonal Geology and Mining Office a rawn hawn pawh vawiin thleng hian Office thawktu (Staff) awm lo leh Office kalh reng ngai a ni a, Office pisa kawt leh a chhehvel phei chu a bul hnaia Department thenkhat te tana Parking nan a hman mai mai a ni.
“Lunglei in a kan tangkai pui em em Lunglei Road Division II, PWD chu Dt.21 June 2023 khan Hnahthial Division PWD ah thlakin thawktu zawng zawngte nen Hnahthial a sawn chhoh vek a lo ni tawh a (Letter No.D.11013/1/2017-PWD(E), Hei bak ah hian P&E Department a Division pawimawh tak pakhat PMD II pawh tunhnai hian Hnahthial ah a Division chawpa sawn chhoh (Shif) tum a nih thu hriat a ni.
“Hetianga mimal hmingthat tumna avang leh mahni bial chauh ngaihtuah avanga thil tha awmsa chan zawng leh a taka hman mumal theih loh hmanga Lunglei mipuite min hmatheh fo nana hman hi thleng tawh lo se, Lunglei mipuite hian thil tha leh rotling hi a taka hman a, a chhawrtu tur ten tangkai taka kan hman thuai theih nan Mioram Sawrkar hian a rang thei ang bera hma la turin kan phut a ni,” an ti bawk.
